martes, 31 de outubro de 2017

FELIZ SAMAÍN!!!

Hoxe foi un día de moita celebración no cole que xa vos contarei polo miúdo. Para que festexedes o Samaín por todo o alto déixovos varias cousiñas:

-Todo un clásico da Editorial OQO, "Corre, corre, cabaciña".

Obtida no canal de Youtube de OQO Filmes(galego)
-Unha canción de Uxía Lambona e a Banda Molona.
Obtido no canal de Youtube de Uxía Lambona e a Banda Molona.
-E rematamos coa curta "The skeleton Dance" de Disney, que hoxe vos gustou tanto.
Obtido no canal de Youtube de miesuelaimaginaria.
FELIZ SAMAÍN A TODOS/AS!!!!

domingo, 29 de outubro de 2017

RECURSOS DE SAMAÍN.

Imaxe atopada en Pixabay.com
Chega o tempo das meigas e dos fantasmas e con eles veñen os recursos do Samaín. A ver se vos gustan!!!
- No blogue Paxariña de papel aparece un Symbaloo cargadiño de actividades (moitas en galego)
-A revista mensual de Loqueleo de Santillana ven integramente dedicada a Halloween.
- Maite Gan, en Lluvia de ideas, ofrécenos  desde películas hasta contos pasando por decoracións e actividades múltiples. (Póñovos o enlace ás pelis pero tamén o do blogue para que o vexades todo).
-No blogue Ser maestra, aparece unha recopilación de  libros moi interesante.
-No CEIP Pío XII están moi machosos e xuntaron unhas cancionciñas moi xeitosas do Samaín (en galego)
-Aquí os recursos de anos anteriores.

xoves, 26 de outubro de 2017

GALICIA, QUE GRANDE ES.

Imaxe atopada na rede.
Non fai falla que escriba nada para demostrar o orgullosa que me sinto da miña Terra e das súas xentes, do meu idioma , da cultura e as tradicións que me arrolaron e do todo aquilo que significa ser galega. Non fai falla, digo, porque o manifesto na miña vida diaria. Hai uns días encolleusenos a todos/as o corazón co desastre de chamas que envolveu os nosos montes. Nin estou cega , nin quero pasar de puntiñas pero traballo con nenos/as e pretendo que se queden co positivo das historias: coa solidariedade e coa prevención para evitar os lumes. Por iso digo  que sinto orgullo das persoas que axudaron(e seguen axudando) aos demais,dos que son solidarios e empatizan coa dor allea.
Despois dunha charla sobre o tema, os meus rapaces fixeron uns debuxos  expresando o que sentían. Como podedes ver hai algo de todo.
Montaxes realizadas con Pizap.
Espero que o futuro se vislumbre claro e con cheiro a mar limpo, próspero de terra anovada de verde e con ánimos rexurdidos  para loitar por un mundo mellor. Para que non volva a suceder!!!!
Imaxe atopada na rede.

martes, 24 de outubro de 2017

DOBRE CELEBRACIÓN.

Cartel conmemorativo das Bibliotecas Escolares do 2017.
O 24 de outubro é unha data de dobre conmemoración. Por unha banda temos o Día da Biblioteca e, pola outra, o Día das Nacións Unidas. No cole celebramos, moi especialmente, a primeira cunha actividade que vos contaremos nunha nova entrada. Se premedes na imaxe do cartel teredes información sobre o tema.
Imaxe atopada na rede.
Tamén hoxe é o aniversario (72 anos) das Nacións Unidas. Festéxase  a entrada en vigor en 1945 da Carta das Nacións Unidas, o tratado internacional que deu orixe á organización. Para máis información facede clic na imaxe .
Se queredes ver entradas doutros anos, clicade  aquí ( N.U.- B.E.)
Para rematar, unha canción titulada "Todos somos diferentes", como os integrantes das Nacións Unidas.
Obtido no canal de Youtube Kidloom.

domingo, 22 de outubro de 2017

CONCIENCIANDO.

Imaxe obtida en Pixabay.com

O 22 de outubro é o Día Internacional para a Concienciación da Tartamudez. Pretende  a data poñer en coñecemento da sociedade  o problema, que non é unha enfermidade nin unha deficiencia.
Vexamos o que o dicionario DIGALEGO nos di  sobre o termo:
Tartamudez:Trastorno da fala que se caracteriza polas repeticións e interrupcións involuntarias na emisión das palabras que pode ter unha orixe psíquica ou orgánica.
O certo é que vivimos nunha sociedade de imaxe e pose, onde se non encaixas es obxecto de burla ou desprezo. Xa está ben de tanta superficialidade!!!!Aprendamos repectar o diferente,a empatizar co desvalido e a tender pontes para normalizar.
Compártovos unha preciosa carta dun neno de 10 anos que é moi feliz sendo tatexo. Bravo, Juan Carlos!!!
Recorda: as persoas tatexas so nencesitan un pouco máis de tempo para contar as cousas . Non as interrompas, non lle digas que non se poñan nerviosas e non remates as súas frases. O mesmiño que queremos para nós.
Para rematar un pouquiño de música coa canción El pato taratamudo. Todos a cantar!!!
Obtido no canal de Youtube Cantoalegre TV

xoves, 19 de outubro de 2017

LAZO ROSA.

Imaxe atopada na rede.
Hoxe é un día especial de conmemoración. Solo vos direi que celebramos que hai persoas enfermas que loitan para poñerse ben, e que  nós debemos apoialas  e facelas rir para que a curación chegue canto antes. Ogallá a investigación avance rápido, para erradicar esta e moitas outras enfermades, que borran o sorriso de milleiros de seres humanos.
Deixovos unha mensaxe positiva para que cantedes a pleno pulmón.
Obtido no canal de Youtube de Cadena 100

luns, 16 de outubro de 2017

DÍA MUNDIAL DA ALIMENTACIÓN.

Imaxe atopada en Pixabay.com.
Hoxe é un  día triste para a nosa terra e para todas aquelas que sufren a lacra dun lume que asola os nosos montes. Xa falamos do tema na clase e faremos algunha cousiña ao respecto, pero agora toca conmemorar o Día Mundial da Alimentación.
A FAO , que é a Organización das Nacións Unidas para Alimentación e a Agricultura, celebra o 16 de outubro, esta data  para recordar a fundación da Organización en 1945. Preténdese chegar ao obxectivo de Fame Cero no ano 2030. Que significa isto? Que se quere conseguir que ninguén pase fame, repectando o medio ambiente e sin ter que abandonar o país de orixe. O vídeo que aparece a continuación explica a campaña deste ano.
Obtido no canal de Youtube da FAO.
Para rematar, aí vos quedan dúas cancións sobre os vexetais e a froitas, alimentos que deben estar presentes na nosa dieta diaria.
Obtidos no canal de Youtube Doremi.

sábado, 14 de outubro de 2017

CAIXÓN DESASTRE.

Montaxe realizada con PiZap.
Hoxe é un día tan bo como outro calquera para que volte o noso Caixón Desastre. Xa sabedes que pode albergar moitas cousas: curiosidades, citas célebres, música, debuxos animados.... e calquera cousa que se me poida pasar pola cabeza!!!
Nesta ocasión ofrézovos os libros seleccionados para o catálogo White Ravens, elaborado anualmente pola Internationale Jugenbbliothek (International Youth Library). Contén 200 títulos de 56 países e escritos en 38 linguas que son especiais por algo. Na revista Babar.com tedes toda a información.
Clica para acceder.
Non deixedes de fixarvos na presenza galega con "Ollos " de Xulio Gutiérrez e "Verne y la vida secreta de las mujeres planta" de Ledicia Costas. Clicade nas imaxes para ter máis información.

PARABÉNS A NOSA LITERATURA E LITERATOS!!!

xoves, 12 de outubro de 2017

PREMIO.

Fai uns días recibín unha excelente noticia: o noso blogue recibe o galardón Blogger Recognition, que recoñece a labor blogueira que con el se realiza.
GRAZAS, Marisa Alonso, é unha honra recibir este premio da túa man.
 Deume moita ledicia!!!
Marisa Alonso Santamaría é unha excelente escritora de poesía infantil que ven de publicar "Fantasía en poesía"(Que é precioso!!!)  e participa nunha morea de proxectos editoriais . Ten moitos premios e un blogue  estupendo onde poderedes gozar das súas obras.
Pasádevos!!!!
Obtener este premio significa :
-Agradecer públicamente al que les galardonó.
-Escribir brevemente cómo comenzaron a iniciarse en Blogger y dar un consejo a los que comienzan en este mundo.
-Deben nominar o elegir entre 10 -15 Bloggers y avisar a los ganadores.
(Está escrito en castelán para que o entendan os galardoados).
Inicios en Blogger.
Polo ano 2011, unha profe dun curso de TICs, pediunos que creásemos un blogue como práctica.E niso se quedou, nun exercicio dentro dun curso máis. Despois dun ano, o blogue durmido, foi tocado pola variña máxica dunha fada rebuldeira, que pensou que quizais era o momento de poñerse en marcha.Mans á obra é...o soño fíxose realidade.
Non son niguén para dar consellos pero como é unha das condicións do premio eu diríavos que gocedes do voso traballo no blogue sen esperar nada a cambio.
Os nominados son...
-Actividades para Educación Infantil

PARABÉNS A TODOS OS PREMIADOS!!!

domingo, 8 de outubro de 2017

UNHA DE LITERATURA.

Portada do libro gañador.
Fai uns días concedeúselle o Premio Nacional de Literatura Infantil e Xuvenil 2017 a Antonio García Teijeiro, pola súa obra "Poemar o mar".  O Ministerio de Educación, Cultura y Deporte distingue unha obra dun autor español,escrita nunha das linguas oficiais do Estado e , neste caso, editada no ano 2016. Este ano recaeu neste escritor vigués e se queredes coñecelo mellor, na Biblioteca Virtual Miguel de Cervantes aparece a súa biografía.
Aquí tedes a reseña que aperece do seu libro, ilustrado por Xan López Domínguez, en Boolino:
“Poemar o mar” é un libro de poemas que forma parte da triloxía que se completa con “En la cuna del mar” e “Palabras do mar”. Nestas tres obras o mar é o gran protagonista, un mar que ronca, que molla con poemas, que ten trenzas, que anda murcho, que chora por dentro e cala por fóra. Mares con ondas amarelas, con illas coma estrelas, mares de plumas que son de auga e mel, mares de tinta verde con barquiños de papel.
O tamén escritor e xornalista Xosé Antonio Neira Cruz fíxose co XI Premio de Narrativa Breve Repsol coa obra "O sono das sereas" e o Nobel de Literatura recae este ano en Kazuo Ishiguro.
Montaxe realizada con Pizap.

PARABÉNS AOS TRES PREMIADOS!!!!

xoves, 5 de outubro de 2017

O NOSO DÍA.

Cartel do día.
O  5 de outubro é o noso día, o Día Mundial dos Docentes. Deixovos información sobre o tema na páxina da UNESCO.
E para celebralo esta marabillosa curta "Custodios de la llama" dedicada a todos os mestres de vocación.

Obtido no canal de Youtube de Aram R/A.
As entradas de anos anteriores atoparédelas aquí.

Se hai algo que teño claro na vida é que debemos ser agradecidos e, como eu, tiven a sorte de ter estupendos mestres ao meu redor, preocupados , entregados e de vocación....
A todos e a todas
GRAZAS, MESTRES!!!!
Imaxe obtida en Pixabay.com

domingo, 1 de outubro de 2017

PARA OS AVÓS.

Imaxe atopada na rede.
Vaia como homenaxe a todas as persoas de idade que hoxe celebran o seu día (sexan ou non avós).
Premede aquí para ver as entradas anteriores.
Obtido no canal de Youtube de Florio Jorge Octavio.